គ្មានលុយទិញបាយ ធ្វើដំណើរដោយថ្មើរជើងរាប់សិបគីឡូម៉ែត្ររហូតដួល សន្លប់ស្តូក
27-June-2016 | ដោយ មែន កំសត់
ខេត្តរតនគិរី ៖ បុរសម្នាក់បានធ្វើដំណើរដោយថ្មើរជើងរាប់សិបគីឡូម៉ែត្ររហូតដួល សន្លប់ស្តូកស្តឹងនៅលើថ្នល់ម្នាក់ឯង ហើយត្រូវបានអ្នកលក់ខ្យងតាមម៉ូតូប្រទះឃើញជួយសង្គ្រោះភ្លាមៗទើប រួចពីសេចក្តីស្លាប់ ។ ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង៣ និង៣០នាទីរសៀល ថ្ងៃទី២៦ ខែមិថុនា ឆ្នាំ២០១៦ តាមបណ្ដោយផ្លូវជាតិលេខ៧៨ ស្ថិតក្នុងភូមិប៉ាអរ ឃុំប៉ាតេ ស្រុកអូរយ៉ាដាវ ខេត្តរតនគិរី ។
ប្រភពពីបុរសរងគ្រោះខាងលើបានឱ្យដឹងថា គាត់ឈ្មោះ គឿន សីហា អាយុ២២ឆ្នាំ ជនជាតិខ្មែរ រស់នៅស្រុកអូរជុំ(មិនមានទូរស័ព្ទដៃប្រើប្រាស់ទេ) ។ បុរសរងគ្រោះបន្តទៀតថា នៅព្រឹកថ្ងៃទី២៦ ខែមិថុនា ឆ្នាំ២០១៦ គាត់បានចេញពីស្រុកអូរជុំ ដើម្បីស្វែងរកបងថ្លៃ ព្រោះទូរស័ព្ទរកគាត់តាមរយៈលេខទូរស័ព្ទ ០៩៦ ៨៥៤ ១៨៩៦ អត់ចូល ដែលបងថ្លៃរបស់គាត់រស់នៅឃុំប៉កញ៉ៃ មុខរបរធ្វើសិប្បកម្មឈើនៅស្រុកអូរយ៉ាដាវ ។
បុរសរងគ្រោះបន្តទៀតថា ពេលចេញពីស្រុកអូរជុំសុំដោយសារឡានគេជិះ លុះទៅដល់គោលដៅស្រាប់តែសួររកបងមិនឃើញអស់សង្ឃឹមក៏វិលត្រឡប់មក ក្រុងបានលុងវិញដោយថ្មើរជើង អត់លុយកាក់មួយសេនក្នុងហោប៉ាវ ហើយធ្វើដំណើរក្នុងចំងាយផ្លូវប្រមាណជាង៥០គីឡូម៉ែត្រ ដោយឆ្លងកាត់ព្យុះភ្លៀងពេញមួយថ្ងៃ រួមផ្សំនិងដាច់បាយថែមទៀតនោះក៏ងងឹតមុខដួលតែម្តង ៕
ចំនួនអ្នកទស្សនា
- ថ្ងៃនេះ8991
- ម្សិលមិញ14181
- សប្តាហ៍នេះ8991
- ខែនេះ124141
- ឆ្នាំនេះ124141
- សរុប20566597